Нийтэлсэн: Admin. 2023-10-19
Монголын Үндэсний Худалдаа аж үйлдвэрийн Танхим Чехийн Эдийн засгийн Танхимтай хамтран хоёр орны бизнес эрхлэгчдийн ээлжит форумыг 10-р сарын 31-ний 14.00 цагт МҮХАҮТ-ын Их танхимд зохион байгуулах гэж байна.
Бизнес форумын хүрээнд хоёр талын бизнес эрхлэгчдийн дугуй ширээний уулзалт, ганцаарчилсан уулзалтууд зохион байгуулагдах ба Чехийн талаас барилгын зураг төсөл, үл хөдлөх хөрөнгийн зуучлал, өмгөөллийн фирм, эрүүл мэнд, эмийн үйлдвэрлэл, гоо сайхны бүтээгдэхүүн үйлдвэрлэл, эрүүл мэндийн даатгал, хөдөлмөр зуучлал, тээвэр, логистик, зээлийн даатгал, зөвлөгөө үйлчилгээ, зэрэг салбарын аж ахуйн нэгжүүд оролцоно.
Иймд тус уулзалтад оролцож, хоёр талын хамтын ажиллагааны шинэ боломжуудын талаар санал солилцох, бизнес түншийн харилцаа тогтоож өөрсдийн үйл ажиллагааны хүрээг тэлэх сонирхолтой аж ахуйн нэгжүүдийг урьж байна.
Зохион байгуулагч: МҮХАҮТ, Чехийн эдийн засгийн танхим, Бүгд Найрамдах Чех Улсаас Монгол Улсад суугаа ЭСЯ
Холбоо барих:
МҮХАҮТ-ын ГХХАГ
Утас: 77277070(6), 80768073
Цахим шуудан: foreignrelations@mongolchamber.mn